Наурыз мейрамын жаңаша тойлау: Тоқаев Қазақстан Жаңа жылды тойлаудан бас тарта ма деген сауалға жауап берді

Сурет: Zakon.kz

2024 жылғы 15 наурызда Ұлттық Құрылтайдың үшінші отырысында сөйлеген сөзінде Мемлекет басшысы Қасым-Жомарт Тоқаев Наурыз мейрамын тойлаудың жаңа форматы, сондай-ақ Қазақстанның Жаңа жылды тойлаудан бас тартатыны туралы айтты, деп хабарлайды Zakon.kz.

Ұлттық бірегейлігімізді нығайту ең маңызды міндет екенін ерекше атап өтті.

"Мен "Egemen Qazaqstan" газетіне берген сұхбатымда Ұлыстың ұлы күнін бүкіл ел болып жаңаша атап өтетінімізді айттым. Жақында осыған байланысты арнайы тұжырымдама қабылданды. Әрине, бүкіл әлем жұртшылығымен бірге қарсы алатын Жаңа жыл мерекесінен бас тартпаймыз. Бірақ Әз-Наурыздың мәртебесін көтеріп, мазмұнын байыта түсеміз." Мемлекет басшысы

Мысалы, Көрісу күнінен басталатын мейрам кезінде әр күннің өз атауы болады деп айтты президент.

"Соның бірі Ұлттық киім күні деп аталады. Басқа жұрт қазақты киімінен танитын болуы керек. Мен былтыр ауызашар берген кезде осы мәселеге арнайы тоқталдым. Кейбір ірі компаниялар мен оқу орындары ұлттық нақышта киіну үрдісін енгізіп жатыр. Бұл – өте орынды бастама, оны қолдап, ауқымын кеңейте түскен жөн. Әсіресе, қазіргі таңда мұндай қадамдардың мән-маңызы айрықша." Президент

Президенттің сөзінше, соңғы жылдары ел ішінде қара киініп, тұмшаланып жүретін адамдар пайда болғаны баршаңызға мәлім.

"Олар – бөтен емес, өз азаматтарымыз.Халқымыздың дүниетанымында қара киініп жүру деген атымен болмаған. Бұл – еліктеушіліктен, әсіре-діншілдіктен туған үрдіс. Біз салт-дәстүрімізден ажырамауымыз керек". Мемлекет басшысы

Оқи отырыңыз