Алматыда әскери қызметшінің отбасында үшем дүниеге келді

қорғаныс министрлігі, сурет - Zakon.kz жаңалық 19.03.2024 19:22

Сурет: Қорғаныс министрлігінің баспасөз қызметі

Қарулы күштердің Райымбек батыр атындағы Алматыдағы десанттық-шабуылдау бригадасы ротасының старшинасы 3-сыныпты сержант Сейітжан Асылбековтың отбасында үшем дүниеге келді, деп хабарлайды Zakon.kz.

Наурыз мейрамы қарсаңында Алматы қаласының перинаталдық орталығынан ол сүйікті жұбайы және үшемін: екі ұл мен бір қызын шығарды.

Сейітжан мен Минира Асылбековтардың отбасында он бір жастағы қызы Диана өсіп келеді. Ұзақ уақыт бойы ата-аналар екінші баланың болуын армандаған. Енді күтпеген жерден Минара үшем дүниеге әкелді. Жұбайлар ұлдарға – Сұңқар және Заңғар, ал қызына – Сырғалым деп ат беріпті.

"Әйелім үшемге жүкті екенін білгенде қатты таң қалдым. Менің де, оның да тұқымдарында егіздер бар, бірақ ешкімде үшемдер жоқ екен. Мен бақыттымын. Ішімнен ұл болса екен деп тіледім. Ойымдағым қабыл болып, бірден екі ұл, бір қыз өмірге келді. Енді осындай отбасымның алдында үлкен жауапкершілік тұрғанын да сеземін", - деді 3-сыныпты сержант Сейітжан Асылбеков.

Енді отбасы жатақханадағы бөлмеден кең пәтерге көшеді, ал сәбилерді қарауға әжелері мен әскери қызметшілердің отбасы мүшелерімен жұмыс қызметі көмектеседі.

Оқи отырыңыз