Түркістан облысында өзеннен өтпек болған көлік аударылып қалды
Сурет: pixabay
Түркістан облысында көлікпен өзенді кесіп өтпек болған үш адам ажал құша жаздады, деп хабарлайды Zakon.kz.
Otyrar.kz-тің хабарлауынша, оқиға Түркістан облысындағы Қаратау мемлекеттік табиғи қорығының аумағында болған. Үш адам Хантағы өзенінен өтпек болған кезде көлік аударылып кеткен.
"21 наурыз күні кешке көліктің өзенде тұрып қалғаны туралы хабар келіп, оқиға орнына төрт құтқарушы жеткенде, көлік аударылып үлгергенін, ал жүргізуші мен жолаушылар арғы жағаға шығып кеткен. Қызметкерлер зардап шеккендерге көмектесіп, көлікті судан шығара алды", - деді Төтенше жағдайлар министрлігінің қызметкерлері.
Дер кезінде көмекке келген құтқарушылар қайғылы оқиғаның алдын алды. Зардап шеккендер Кентауға жеткізілді, оларға медициналық көмек қажет емес болып шықты.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript