Мәскеудегі лаңкестік әрекеттен қаза тапқандар саны 110 адамнан асты
Сурет: РФ ТЖМ
Іздеу жұмыстары жалғасуда. Марқұмдардың мәйіттерін төтенше жағдайлар қызметі үйінділерді тазалау кезінде тапты, деп хабарлады ведомство.
Бұған дейін лаңкестік әрекеттен 93 адамның қаза тапқаны хабарланған болатын. Одан кейін Тергеу комитеті қаза болғандар санының артатынын ескертті.
Ресей президенті Владимир Путинге 11 адамның ұсталғаны туралы хабарланды. Әңгіме Крокус Сити Холлдағы терактіге қатысқан 4 лаңкес туралы болып жатыр, деп хабарлайды Кремльдің баспасөз қызметі.
22 наурызда кем дегенде үш камуфляж киген адамдар "Крокус Сити Холл" ғимаратының бірінші қабатына басып кіріп, автоматтан оқ жаудырды. Оқиға Пикник рок тобының концертіне бірнеше минут қалғанда басталды.
23 наурызда Президент Қасым-Жомарт Тоқаев Қауіпсіздік кеңесінің мүшелерімен Ресей Федерациясындағы лаңкестік әрекетке байланысты шаралар туралы кеңес өткізеді.
Бұған дейін ресейлік БАҚ мәлімдемелеріне сәйкес, атыс жасады деген алты лаңкестің төртеуінің тұлғасы белгілі болған.
