Бишімбаев тағы да кінәсін мойындамады

Қуандық Бишімбаев, сурет - Zakon.kz жаңалық 27.03.2024 17:10

Сурет: Астана сотының баспасөз қызметі

Бұрынғы ұлттық экономика министрі Қуандық Бишімбаев азаматтық некедегі әйелі Салтанат Нүкенованы аса қатыгездікпен өлтіргенін мойындамады, деп хабарлайды Zakon.kz.

"Айыптың мәні түсінікті... Кінәмді мойындамаймын. Айтайын дегенім, сотқа дейінгі тергеуде де, басқа жерде де өз оқиғамды айтып беруге мүмкіндігім болмады. Прокурордың жаңа ғана оқып шыққанының бәрі негізінен ойдан шығарылған, мұның бәрі расталмаған немесе дәлелденбеген. Тағы да айтамын, 110-бап бойынша мұндай қылмыс менің тарапымнан ешқашан жасалған емес, мен кінәны мойындамаймын", - деді Бишімбаев.

Айта кетейік, бүгін, 27 наурызда қылмыстық істер жөніндегі мамандандырылған ауданаралық сотында Қуандық Бишімбаевтың ісі бойынша алқабилерді іріктеу өтті.

Алқабилер алқасына 12 адам таңдалды: 10 – негізгі құрам, 2 – қосалқы.

Оқи отырыңыз