Ақтөбе облысының тағы бір ауданында төтенше жағдай жарияланды
Сурет: ҚР ТЖМ
Ақтөбе облысының Үйіл ауданында көктемгі су тасқынына байланысты 2024 жылдың 29 наурызында төтенше жағдай жарияланды. Бір ауылды толығымен су басып қалды, деп хабарлайды Zakon.kz.
Облыс әкімдігінің мәліметінше, бес ауылды су басу қаупі бар: Қаратал, Қарасу, Амангелді, Қарасу, Көптоғай. Ал Екпетал ауылы толығымен су астында қалды. Көктемгі су тасқыны Үйіл өңіріне үлкен қиындықтар туғызуда.
"Осыған байланысты бүгіннен бастап ауданда жергілікті төтенше жағдай жарияланды. Сондықтан осы елді мекендердің барлық тұрғындарын қауіпсіз аймаққа шығуды сұраймыз. Ең бастысы - адам өмірі", - деп хабарлады Ақтөбе облысы әкімдігінің баспасөз қызметі.
Облыс бірнеше күннен бері су тасқынынан зардап шегіп жатыр. Бұған дейін Ақтөбенің үш ауданы мен облыс орталығында төтенше жағдай жарияланған болатын.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
