Ербол Оспанов денсаулық сақтау вице-министрі лауазымына тағайындалды

Ербол Оспанов жаңа лауазымға тағайындалды, сурет - Zakon.kz жаңалық 01.04.2024 15:54

Сурет: ukimet.kz

Қазақстан Республикасы Үкіметінің қаулысымен Ербол Оспанов бұрынғы қызметінен босатылып, денсаулық сақтау вице-министрі қызметіне тағайындалды,- деп хабарлайды Zakon.kz.

Бұл туралы 1 сәуірде Үкіметтің баспасөз қызметі хабарлады.

Ербол Оспанов 1977 жылы Оңтүстік Қазақстан облысында дүниеге келген. 1998 жылы Әл-Фараби атындағы Қазақ мемлекеттік ұлттық университетін, 2002 жылы Қазақ ұлттық аграрлық университетін бітірген.

Еңбек жолын 1999 жылы "Қазгипрожелдортранс"АҚ инженері болып бастаған.

"Қазақстан темір жол көлігі ғылыми-зерттеу институты" ЖШС-де жоба жетекшісі, "Қаржы жүйелерін ақпараттандыру орталығы"АҚ-да жетекші инженер-жобалаушы болып жұмыс істеді.

Әр жылдары "Ұлттық ақпараттық технологиялар" АҚ, "Зерде "ұлттық инфокоммуникациялық холдингі" АҚ, ҚР Еңбек және халықты әлеуметтік қорғау министрлігінің құрылымдарында басшылық қызметтер атқарды.

2020 жылдан бастап қазіргі уақытқа дейін – ҚР Еңбек және халықты әлеуметтік қорғау вице-министрі қызметінде болды.

Оқи отырыңыз