Түркістан облысында көлік жүргізушісінен 1 келіден астам есірткі тәркіленді
Сурет: ҚР ІІМ
Полицей қызмет атқару кезінде тоқтатылған Audi А6 автокөлігінің алдыңғы орындығынан есірткіге ұқсас зат салынған күмәнді пакетті анықтайды.
Бірден жедел тергеу тобын шақырып, тиісті тінту шаралары жүргізілді. Тәртіп сақшылары тінту барысында көліктен 20 полиэтилен пакетіне оралған жасыл түсті, өткір иісті есірткіге ұқсас затты анықтады.
Одан әрі күдікті жүргізушінің тұрғылықты мекенжайын тексеру кезінде сарайдың ішінен пакетке салынған есірткіге ұқсас өсімдік табылып, тәркіленді.
Тағайындалған сараптама ұсынылған өсімдіктің жалпы салмағы 1 келіден астам кептірілген марихуана екенін растады. Қазіргі таңда қылмыстық іс бойынша тергеу жұмыстары жүргізіліп жатыр.
Күдікке ілінген жүргізуші, яғни орта жастағы жұмыссыз кентаулық ер адам қамауға алынды.
