Бүгінгі Қадір түніндегі шаралар тікелей эфирден беріледі

Сурет: Zakon.kz

Бүгін мың айдан да қасиетті Қадір түніне орай Қазақстан мұсылмандары діни басқармасының төл телеарнасы "Munara TV" тікелей эфирде арнайы бағдарлама ұсынады, деп хабарлайды Zakon.kz.

Атап айтқанда, "Munara TV" арнасы елордасы Астана қаласындағы Республикалық бас мешіттен ұсынатын тікелей эфир Қадір түніне арналған құттықтаулармен ашылады. Одан әрі студиядан бірнеше сұхбат ұйымдастырылып, Қадір түнінің және Құран хатым дұғасы оқылады.

"21:00-де басталатын тікелей эфирде Қадір түнінің қасиеті мен хикметіне қатысты түрлі тақырып төңірегінде салиқалы сұхбаттар мен әсерлі уағыз-насихаттар ұсынылады. Сондай-ақ орталық студияға арнаның аймақтардағы тілшілері тікелей қосылым жасайды", делінген хабарламада.

Қадір түні оқылатын дұғалар мен жасалатын амалдар туралы мына сілтемеге өту арқылы таныса аласыздар.

Оқи отырыңыз