Шетел асқан Жәнібек: Төрт әйелден алынған ДНҚ-ның қорытындысы шықты

Жәнібек, шетел асқан қазақ баласы, сурет - Zakon.kz жаңалық 07.04.2024 16:19

Сурет: Жәнібектің желідегі парақшасынан алынды

Бельгиялық отбасы асырап алған Жәнібек Савельев Қазақстанға анасын іздеп келіп, мақсатына жете алмай кері оралған. Шетел асқан қазақ баласына бірінші болып көмек қолын созғандардың бірі - журналист Қымбат Досжан күні кеше желідегі парақшасында тың дерекпен бөлісті, деп хабарлайды Zakon.kz.

Қымбат Досжан тағы төрт болжамды анадан сынама алынғанын жеткізді. Алайда, өкінішке қарай, олардың барлығының нәтижесі теріс болып шықты.

"Қадір түні алдында сүйінші жаңалық бола ма деп күтіп едік. Тағы төрт әйелдің анализі 0 пайыз болып шықты. Тастанды сәбилерді қуыршақтар ауыстырғандай, ізін таппайтындай еткен ғой, Арқалық перзентханасы мен балалар үйі. Бірақ біз беріспейміз, қуанатын кез алда, Жани. Жауаптыларға тықыр таянды", деп жазды журналист.

Өз кезегінде Жәнібек аталған жазба астына пікір қалдырып, анасын іздеп жатқан жандарға алғыс айтты.

Оқи отырыңыз