Қазгидромет: Үш өңірде су тасқынының екінші толқыны күтіледі

Су тасқыны, екінші толқын, Қазгидромет, Атырау, БҚО, СҚО, сурет - Zakon.kz жаңалық 14.04.2024 17:00

Сурет: ҚР ТЖМ

14 сәуірде "Қазгидромет" РМК-ның баспасөз хатшысы Алина Ісмағұлова су тасқынының екінші толқыны үш өңірде күтілетінін айтты. Атап айтқанда, Солтүстік Қазақстан облысы, Батыс Қазақстан облысы және Атырау облысында, деп хабарлайды Zakon.kz.

Спикердің айтуынша, Солтүстік Қазақстан облысының аумағында Ақмола облысының аумағындағы салалар бойынша Есіл өзені бойынша судың түсуі есебінен (Жабай, Қалқутан және т. б.); Батыс Қазақстан облысының аумағында Ресей Федерациясының аумағынан Жайық өзені арқылы судың түсуі есебінен; Атырау облысының аумағында Батыс Қазақстан облысының аумағынан Жайық өзені арқылы судың түсуі есебінен су тасқынының екінші толқынының жүру қаупі бар.

Сондай-ақ Ісмағұлова мынандай қосымша болжамдармен де бөлісті:

"Шығыс Қазақстан облысының аумағында орналасқан таулы өзендерде су тасқыны кезеңі жазық өзендерден кейін өтеді. Қазіргі уақытта Ақмола облысының аумағында Есіл өзенінің кейбір салаларында су тасқыны шыңдары өтіп жатыр, бұл Есіл өзенінде су деңгейінің қайта көтерілуіне себеп болуы мүмкін. Сондай-ақ, су деңгейінің көтерілуі Нұра өзенінің төменгі ағысында жалғасуда".

Оқи отырыңыз