Адам өлтіргені үшін сотталған адам Павлодар облысының балабақшаларының бірінде жұмыс істейді

Сурет: pexels

Железин ауданында прокурорлық тексеріс барысында ауыр қылмыс жасаған, сондай-ақ психикалық аурулары бар адамдардың білім беру ұйымдарында қызметін жүзеге асыру фактілері анықталған, деп хабарлайды Zakon.kz.

Бұл туралы 2024 жылдың 15 сәуірінде облыстық прокуратурада мәлімдеді.

"Мысалы, балабақшалардың бірінде адам өлтіргені үшін сотталған адам шамамен 5 жыл жұмыс істеген. Бірнеше білім беру мекемелерінде ұрып-соққаны және соққыға жыққаны үшін жауапқа тартылған жұмысшылар анықталды, бұндайға еңбек заңнамасында тікелей тыйым салынған.",-делінген ведомства ақпаратында.

Железин ауданының прокуратурасы қабылдаған шаралармен жоғарыда аталған адамдар жұмыстан шығарылды, ал олардың басшылары тәртіптік жазаға тартылды.