Антикор "Алматы Су" департамент директорын және Қызылорда облысы кәсіпкерлік басқармасының басшысын ұстады
Сурет: pexels
Ведомства мәліметінше, ауыр жемқорлық қылмыс жасады деген күдікпен "Алматы Су" ШЖҚ МКК департамент директоры ұсталды.
"Ол жергілікті кәсіпкерден орындалған жұмыстардың актілеріне қол қойғаны және жасалған мемлекеттік сатып алу шарттары бойынша ақшалай қаражат төлегені үшін 345 млн теңге көлеміндегі бұрын келісілген сомадан 75 млн теңге алған."Сыбайлас жемқорлыққа қарсы іс-қимыл агенттігі баспасөз қызметі
Бұдан бөлек, Қызылорда облысы бойынша Сыбайлас жемқорлыққа қарсы қызмет облыстық кәсіпкерлік және өнеркәсіп басқармасының басшысын тұтқындады.
Ол жалпы қамқорлығы мен келісімшартты ұзартуға және жер қойнауын өндіру көлемін ұлғайту рұқсатына қол қойғаны үшін айтарлықтай мөлшерде пара алды деп айыпталуда.
"Күдіктілерге қатысты соттың санкциясымен "қамауда ұстау" түріндегі бұлтартпау шарасы қолданылды.",- деп мәлімдеді ведомства.
Қылмыстық-процестік кодексінің 201-бабына сәйкес өзге ақпарат жария етуге жатпайды.
Конституцияның 77-бабы 3-тармағының 1-тармақшасына және Қылмыстық-процестік кодексінің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.
Айта кетейік, 19 сәуірде Антикор қазақстандықтарға маңызды мәлімдеме жасады.
