Алматыда ауа райының күрт бұзылуы салдарынан бірнеше аудан жарықсыз қалды
![жарық, сурет - Zakon.kz жаңалық 24.04.2024 18:51](https://kaz.zakon.kz/pbi/WEBP/2024-04-24/file-40076eb2-696b-4236-83f5-5720bbf22d9f/400x225.webp)
24 сәуірде Алматыда ауа райының күрт бұзылуына, екпіні күшті жел мен жаңбырға байланысты бірнеше ауданда электр жарығы өшіп қалды.
Мұндай жағдай Ерменсай, Нұр Алатау, Тау-Самалы, Қарағайлы, Құрамыс, Ақжар, Бағанашыл, Асқартау, Шаңырақ-1 және Шаңырақ-2 шағын аудандарында болды, деп хабарлайды Zakon.kz.
"Алатау Жарық Компаниясы" АҚ хабарлауынша, жаңбыр мен қатты желден 6-10-0,4 кВ тарату желісінде ақау пайда болған, соның салдарынан алматылықтар электр қуатынсыз қалды.
![жарық, сурет - Zakon.kz жаңалық 24.04.2024 18:51](https://kaz.zakon.kz/pbi/WEBP/2024-04-24/file-1f9b3ca3-5374-4913-a4bb-16007967b83c/800x452.webp)
Сурет: Zakon.kz
"Ауа райының нашарлауына және екпінді желге байланысты Алматы қаласы Ерменсай ықшамауданы, Нұр Алатау, Тау-Самалы, Қарағайлы, Құрамыс, Ақжар, Бағанашыл, Асқартау, Шаңырақ-1 және Шаңырақ-2 қалаларында апатты жағдайда электр қуаты үзілді"."Алатау Жарық Компаниясы" АҚ
Сондай-ақ компания электрмен жабдықтауды қалпына келтіру және ауа райының қолайсыз салдарын жою бойынша жедел топ жұмыс істеп жатқанын атап өтті. Қаладағы жағдай бақылауда.
Қазіргі уақытта 8 (727) 356-99-99 телефон нөмірі жұмыс істеп тұр, электр қуатының үзілу себебі туралы барлық жедел ақпаратты білуге болады.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript