Алматыда Қазақстан халқының бірлігі күнінде қандай мерекелік шаралар өтеді
![Алматы, Қазақстан халқының бірлігі күні, мерекелік шаралар, сурет - Zakon.kz жаңалық 01.05.2024 09:25](https://kaz.zakon.kz/pbi/WEBP/2024-05-01/file-264e7361-2d09-44df-a0fe-3a96133c5a5d/400x225.webp)
Қала билігінің мәліметінше, Қазақстан халқы Ассамблеясының қолдауымен Абай алаңында "Береке – бірлікте" жалпы республикалық акциясы аясында су тасқынынан зардап шеккендерге көмектескен еріктілерді, белсенді азаматтар мен мәдениет қайраткерлерін марапаттау рәсімі өтеді.
Мереке концерттік бағдарламамен, қайырымдылық акцияларымен, жәрмеңкелермен және байқаулармен толығып, той-думан өз жалғастығын табады.
Аталған шаралардан түскен қаражат су тасқыны салдарын жою мақсатында "Демеу Қазақстан қорына" аударылады.
Сағат 11:00-ден 14:00-ге дейін Республика сарайының алдында қайырымдылық жәрмеңкесі мен гастрофестиваль өтеді, оның барысында 10-нан астам мейрамхана түрлі ұлттық тағамдар ұсынады.
Ал кешке сағат 18:00-ден 21:00-ге дейін Абай атындағы алаңда қазақстандық эстрада жұлдыздарының қатысуымен Maxi Fest қайырымдылық концерті өтеді.
Бұған дейін ҚР Президенті Қасым-Жомарт Тоқаев баршаны Қазақстан халқының бірлігі күнімен құттықтаған болатын.