Құлсарыда санитарлық тазарту басталды
![Құлсары, сурет - Zakon.kz жаңалық 01.05.2024 17:10](https://kaz.zakon.kz/pbi/WEBP/2024-05-01/file-41142fb7-faf4-4476-8400-7e1c2abd1525/400x225.webp)
Атырау облысы Жылыой ауданының Құлсары қаласында қалпына келтіру жұмыстары жалғасып жатыр: кейінгі тәулікте 55 үй газға, 25 үй электр қуатына қосылды, деп хабарлайды Zakon.kz.
Қазір 2 564 үйден су кетті, сорылған судың жалпы көлемі 3 млн текше метрден асады.
"Залалды бағалау және өтеу жөніндегі комиссия 2716 өтініш қабылдап, 600-ден астам үйге техникалық тексеру жүргізді. Сондай-ақ Құлсарының 3600 тұрғыны 100 АЕК мөлшерінде біржолғы материалдық төлем алды. Ол үшін жергілікті бюджеттен 1,3 млрд теңге бөлінді. Су кеткен аумақта дезинфекциялық жұмыстар, сондай-ақ қаланы санитарлық тазарту жұмыстары басталды. Соңғы тәулікте 975 тонна қоқыс шығарылды", - деді Атырау облысы әкімінің баспасөз хатшысы Руслан Жұмағазиев ОКҚ алаңында өткен брифингіде.
Махамбет және Индер аудандарында Жайық өзенінің жағалауын нығайту жұмыстары 100% аяқталды, Атырау қаласында жалғасып жатыр.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript