2024 жылы Қазақстанда электр қуатына тарифтер өседі ме

Қазақстанның энергетика Вице-министрі Сұңғат Есімханов электр энергиясының түпкілікті тарифтерін Табиғи монополияларды реттеу комитеті бекітетінін, бұл ретте Энергетика министрлігі тек электр станцияларындағы тарифтерге жауапты екендігін атап өтті.

"Біз станциялардағы тарифтерді 1 қаңтардан бастап көтердік, сондықтан жақын арада электр станцияларында жыл соңына дейін электр қуатына тарифтің өсуі күтілмейді. Бірақ көмірдің немесе басқа заттардың бағасы күрт өскен жағдайда реттеуші шаралары жүргізілуі мүмкін", - деп түсіндірді Сұңғат Есімханов.

Ол тарифтің құрылымына кәсіпорын қызметкерлерінің жалақысын көтеру де кіретінін айтты. Оның айтуынша, Жезқазған ЖЭО-да машинистің орташа жалақысы-400 мың теңге, ол энергетика үшін жеткілікті жоғары, бірақ Жезқазған металлургия кәсіпорындарында жалақы 600 мың теңге болғандықтан кейбір мамандар кетіп жатқанын да жасырмады.

"Мұның бәрін кешенді түрде қарастыру керек, бірақ мен бұл үшін алдағы айда тарифті көтеретініміз туралы айтып отырған жоқпын", – деп толықтырды Сұңғат Есімханов.

Айта кетейік, 1 наурыздан бастап Алматыда электр энергиясына тариф көтерілді.

Оқи отырыңыз

Атырау облысында тас жолдағы үлкен шұңқыр көлік қозғалысын тоқтатты

11:45, 17 мамыр 2024

Үкімет Риддердің жылу желілерін күрделі жөндеуге резервтен 2,4 млрд теңгеден астам қаражат бөлді

11:36, 17 мамыр 2024

Қазақстанда колледждерде білім алуға мемлекеттік тапсырыс 60 мың орынға ұлғайтылды

11:21, 17 мамыр 2024