Ақтөбеде жастарды әскери-патриоттық бағытта тәрбиелеу үшін "Ашық есік" күні өтті

3 мамыр күні Ақтөбе қаласының 155 жылдығына орай, 7 мамыр - Отан қорғаушылар күні мерекесі қарсаңында Ақтөбе қаласының жастар ресурстық орталығының ұйымдастыруымен ҚР Ұлттық ұланының 6655 әскери бөлімінің базасында өткен "Ашық есік" күні өтті.

"Ашық есік" күнінің мақсаты: Жастарға әскери-патриоттық тәрбие беру ісін жетілдіру, өскелең ұрпақтың бойында отанды қорғаумен адамгершілік қасиеттерін қалыптастыру. Жастарды болаттай берік темірдей тәртіпке төзімді етіп тәрбиелеу.

Сурет: Ақтөбе қаласы әкімінің баспасөз қызметі

Іс-шараға 80 жуық студенттер мен қала жастары қатысты. Шарада жастар әскери өмірді көріп, әскери киім үлгілерімен, әскери техника және қару жарақ түрлерімен танысты.

Сурет: Ақтөбе қаласы әкімінің баспасөз қызметі

Таныстыру шараларын өткізу өскелең ұрпақтың бойына патриоттық рухты қалыптастыруға, адамгершілікке тәрбиелеуге зор ықпалын тигізді.

Сурет: Ақтөбе қаласы әкімінің баспасөз қызметі

Қала жастары әскери қызметшілерге қонақжайлықтары мен жылы қабылдаулары үшін алғыстарын айтып, тілектерін білдірді.

Шара барысында жастарға жеңіс ленталары таратылды.