Еліміздің бірқатар өңірлерінде азық-түлік бағасы күрт өсті

Ведомствоның мәліметінше, сәуір айында елде жылдық инфляция баяулап, 8,7%-ды құрады (наурызда – 9,1%). 15 өңірде жылдық инфляция деңгейі бәсеңдеп, 4 облыста қарқын алып, 1 өңірде өзгеріссіз қалды.

Жылдық инфляцияның ең жоғарғы мәні Қарағанды мен Маңғыстау облыстарында тіркелді.

"Сәуірде азық-түлік тауарларының бағасы ж/ж 6,3%-ға дейін баяулады (наурызда – 6,9%). Осы топқа жататын тауарлардың бағасы Ұлытау облысында (9,9%) барынша тез, ал Ақтөбе облысында (4,4%) мейілінше баяу өсті. Азық-түлікке жатпайтын тауарлар бағасының өсу қарқыны ж/ж 7,6%-ға дейін бәсеңдеді (наурызда – 8,2%). Ең жоғарғы мән Маңғыстау облысында (13,5%), ең төменгі мән Алматы облысында (5,2%) тіркелді".ҚРҰБ баспасөз қызметі

Таратылған мәліметке сүйенсек, сәуірде ақылы көрсетілетін қызмет бағасы ж/ж 13,5%-ға дейін жеделдеді (наурызда – 13,2%). Сонымен қатар, Ақтөбе облысында (17,5%) баға жалпы республикалық деңгейден біршама жоғары, Ұлытау облысында (8,3%) айтарлықтай төмен өсті.

"Сәуірде ел бойынша айлық инфляция 0,6%-ға өсті. Бұл тарихи орташа мәнге сәйкес келеді (2017-2021 жылдардағы сәуірде – 0,6%)",- деп толықтырды ҚРҰБ.

Оқи отырыңыз

"Қазақстан-Хорватия" іскерлік кеңесінің келесі отырыстары Астанада өтеді

22:53, 22 қараша 2024

Шымкентте бір күндік сәбидің өңешіне күрделі ота жасалды

22:17, 22 қараша 2024

Павлодар облысында зорлық-зомбылыққа қатысты 30 деректің жартысын педагогтар анықтады

21:18, 22 қараша 2024