Қазақстанда азық-түлік бағасы мен тарифтері қалай өсті
Фото: Zakon.kz
Бұл ретте ақылы қызмет көрсету бағасы 1,4%-ға, азық-түлік емес тауарлар – 1%-ға, азық-түлік тауарлары – 0,4%-ға өсті.
Тұрғын үй-коммуналдық шаруашылық саласында салқын суға – 25%-ға, су бұру – 5,3%-ға, тұрғын үйді күтіп ұстауға – 1%-ға, электр қуатына, ыстық суға – әрқайсысына 0,6%-ға тарифтер өсті. Темір жол жолаушылар көлігі қызметі 13%-ға, ұялы байланыс 5%-ға қымбаттады.
Қазан айында азық-түлік емес тауарлардың ішінде бағаның өсуі отынға – 4,7%-ға, көмірге – 1,1%-ға байқалды. Тұрмыстық техника – 2,6%-ға, киім-кешек пен аяқ киім – 0,9%-ға, құрылыс материалдары, жеке тауарлар – 0,4%-ға қымбаттады.
Азық-түлік тауарларының ішінде қияр – 9,7%-ға, қызанақ – 8,6%-ға, лимон – 7%-ға, апельсин – 6,7%-ға, тұз – 6,5%-ға, жұмыртқа – 3,2%-ға, күнбағыс майы – 2,4%-ға қымбаттады.
Бұл ретте бағаның төмендеуі сәбізге – 10%-ға, жүзімге – 5,7%-ға, алмаға – 3,4%-ға, қызылшаға – 3,2%-ға, пиязға – 2,8%-ға, картопқа – 2,1%-ға байқалды.
Өңірлер бойынша ең жоғары айлық инфляция Алматы қаласында – 1,7%-дан (орташа республикалық деңгейден 0,8 пайыздық тармаққа жоғары), ең төменгі – Павлодар облысы мен Астана қаласында – 0,4%-дан тіркелді.
Азық-түлік тауарларының бағасы ең жоғары Алматы облысында – 0,8%-ға, азық-түлік емес тауарлар – Ұлытау ауданында, Абай – 1,7%-ға, ақылы қызметтер – Алматы қаласында – 3,6%-ға қымбаттады.
Жылдық инфляция
2024 жылғы қазанда жылдық инфляция 8,5%-ды құрады. Ақылы қызметтер бағасы 14,3%-ға, азық-түлік емес тауарлар – 7,8%-ға, азық-түлік тауарлары – 4,9%-ға өсті.
2023 жылдың қазан айымен салыстырғанда суық суға – 60,3%-ға, орталықтандырылған жылытуға – 33,6%-ға, су бұру – 26,9%-ға, электр қуатына – 22,9%-ға, ыстық суға – 18,1%-ға, қоқыс шығару – 16,3%-ға тарифтер өсті. Темір жол жолаушылар көлігі қызметтері 23,7%-ға, байланыс 17,4%-ға, шаштараздар мен жеке қызмет көрсету мекемелері 11,9%-ға қымбаттады.
Бұл ретте баға ацетилсалицил қышқылына – 34,9%-ға, белсендірілген көмірге – 23,9%-ға, корвалолға – 18,3%-ға өсті.
Қияр – 27,6%-ға, қызанақ – 27%-ға, зәйтүн майы – 23,1%-ға, сарымсақ – 17,5%-ға, картоп – 13,9%-ға, кондитерлік өнімдер – 12,6%-ға қымбаттады.
Ұлттық статистика бюросының хабарлауынша, бір жылда қарақұмық 21,9%-ға, сәбіз 16,2%-ға, лимон 11,6%-ға, күнбағыс майы 9,2%-ға, түйіршіктелген қант 5,2%-ға арзандады.
Бақылау қызметтер мен тауарлардың тарифтері мен бағалары бойынша, барлығы 508 атау бойынша жүргізіледі.
