Қайырымдылық жасағың келсе, жүгіруге асық
Сурет: Samruk-Kazyna Trust
Аталған ауқымды шараға samrukmarathon.kz сайтында тіркелуге болады.
Ұйымдастырушылар жүрегі жомарт әрі салауатты өмір салтын ұстанатын кез-келген қазақстандық жүгіруге қатыспаса да, жоғарыда көрсетілген сілтемеде ізгілік жарнасын жіберу арқылы ірі көлемде қайырымдылық жасауға, қиын жағдайда қалған отандастарына қол ұшын созуға үлес қоса алатындарын айтады.
Сурет: Samruk-Kazyna Trust
"Биыл негізгі бағыт ретінде инклюзия мәселелерін басты назарда ұстап отырмыз. Қазіргі таңда Қазақстан бойынша 37 оңалту орталығы, 11 спорт кешені және 26 спорттық-ойын алаңы ашылды. Сондай-ақ, Қордың күшімен еліміздің 23 қаласында ерекше мың балаға арналған 90 бейімделген спорт секция жұмыс істеп тұр. Қор бұл бағыттағы жұмыстарды жалғастырады. Осы орайда, баршаңызды қайырымдылық марафоны арқылы ерекше балаларға қамқорлық көрсетуге шақырамын", - деп атап өтті "Самұрық-Қазына" АҚ Басқарма төрағасы Нұрлан Жақыпов.
Сурет: Samruk-Kazyna Trust
Марафоншылар 5 және 10 шақырым қашықтықтарға жүгіреді.
Сурет: Samruk-Kazyna Trust
Балаларға да 400 және 1000 метрлік қашықтықтар қарастырылған.
Сурет: Samruk-Kazyna Trust
"Самұрық-Қазына" компаниялар тобының "Samruk-Kazyna Trust" әлеуметтік жобаларды дамыту қоры тек 2023 жылы 7,2 млрд теңгеге 46 қайырымдылық жобаны жүзеге асырса, жыл басынан бері 16,5 млрд теңгеге 10 жобаны қаржыландырған.
