Сәуір болмай-тәуір болмас: Синоптиктер сәуірде жазғы ыстық орын алып, жаңа рекордтар орнатылғанын мәлімдеді

Сурет: Zakon.kz

2024 жылдың сәуірі метеобақылау тарихында Солтүстік жарты шардың көптеген елдеріндегі ең ыстық ай ретінде тіркелді, Қазақстандағы жағдай да осыған ұқсас. Бұл туралы 23 мамырда "Қазгидромет" РМК мәлімдеді, деп хабарлайды Zakon.kz.

Қазақстандық синоптиктердің мәліметінше, елдің басым бөлігіндегі орташа айлық ауа температурасы сәуір айында әдеттегіден 1-6°жылы болған.

Бір ай ішінде ауа температурасы бойынша бірнеше рекорд тіркелді. Мәселен, 19 сәуірде:

Ақтауда абсолюттік максимум +30,1°С құрады, осылайша 2014 жылғы рекорд жаңартылды (+25°С). Көкшетау МС-де ауа +26,3°С дейін жылыды, 2020 жылғы абсолюттік максимум (+24,2°С) болған.
Қостанай ауасының максималды температурасы +29,3°С болды, бұл 1982 жылғы рекордтан жоғары болды (+27,2°С). Петропавл МС-де термометр бағанасы +28°С белгісіне жетіп, 1982 жылғы рекордты (+25°С) басып озды.

Сәуірдің үшінші онкүндігінің басында елдің басым бөлігінде температураның жоғары фоны сақталды, Қазақстан қалалары бойынша жаңа рекордтар пайда болды. Мысалы:

21 Сәуір:

Ақтауда +31,5°С белгіленді, осылайша 1975 жылғы (+29°С) рекорд жаңартылды.
Петропавлда ауа +28,8°С дейін жылынып, 1982 жылғы абсолютті максимум (+26,9°С) жойылды.

22 Сәуір:

Атырауда термометр бағанасы +31,2°С дейін көтерілді, осылайша 2012 жылғы рекорд (+29,5°С)жаңартылды,
Орал қаласында абсолютті максимум +28,4°С құрады, осылайша 1967 жылғы рекорд жаңартылды (+27,8°С),
Жезқазғанда ауаның максималды температурасы +27,7°С болды, нәтижесінде 2023 жылғы рекорд (+26,1°С) өзгерді.

27 сәуір:

Ақтауда тағы да рекордтық көрсеткіш +30,7°С дейін жетті, 1989 жылы +27,3°С болған.

"Сәуір айының соңында елдің шығыс бөлігін суық қарып өтті, бұл Солтүстік антициклонның өзгеруіне байланысты болды. Нәтижесінде, республиканың шығысында ауа температурасы түнде-1-10°С дейін төмендеді"."Қазгидромет" РМК баспасөз қызметі

Синоптиктер атап өткендей, Қазақстанның басым бөлігінде сәуір айында жауын шашын аз болды, тек кейбір күндері қатты жаңбыр жауды. Мысалы:

24 сәуірде Ақтөбе облысында нөсер жауын жауды. Новоалексеевка МС-да деңгейі 25 мм-ге жетті, бұл айлық нормадан сәл артық (норма 23 мм),
25 сәуірде Қызылорда облысында Арал теңізінің МС-на екі айдың нормасындағы 24 мм жаңбыр түсті. Айлық норма 14 мм.

Айта кетейік, "Қазгидромет" РМК синоптиктері 23 мамырда еліміздің 16 өңірінде қолайсыз ауа райына байланысты ескерту жасады.

Оқи отырыңыз