ШҚО полицейлері 3 млн теңге қарызы бар борышкерді анықтады

Борышкердің орналасқан жерін өз бетінше іздестіру мүмкін болмаған соң, олар тәртіп сақшыларының көмегіне жүгінген.

ШҚО полиция департаментінің көші-қон қызметінің қызметкерлері ұзақ уақыт бойы 3 миллион теңге көлемінде қарызды өтеуден жалтарған 42 жастағы борышкерді іздеп тапқан.

Енді сот орындаушысы пайда болған берешек бойынша өндіріп алумен айналысады.

Айта кетейік, жыл басынан бері Шығыс Қазақстан полицейлері 80-нен астам борышкерді анықтаған.

Облыс ПД көші-қон қызметі атқарушылық құжатты орындамағаны үшін заңмен әкімшілік және қылмыстық жауапкершілік қарастырылғанын ескертеді.