Абай облысында жаңадан бес су қоймасын салынады

Жаңа су қоймалары өңір қажеттілігі үшін 156 млн текше метрден астам су жинай алады. Атап айтқанда, Үржар ауданында Келдімұрат (30 млн м3) және Көктерек өзендерінде (31,4 млн м3) су қоймалары бой көтереді.

Ал Көкпекті ауданындағы Кіші Бөкен өзенінде (30 млн м3) және Ақсуат ауданында Қарғыба (20 млн м3) мен Базар (45 млн м3) өзендерінде жаңа су қоймалары салынады.

Су ресурстары және ирригация министрлігі баспасөз қызметінің хабарлауынша, құрылыс жұмыстары 2024-2030 жылдары іске асырылуға тиіс. Бүгінгі таңда Қарғыба су қоймасының техникалық-экономикалық негіздемесі дайын. Қалған 4 жоба бойынша Су ресурстары және ирригация министрлігінің Су шаруашылығы комитеті инвестициялық ұсыныс әзірлеп жатыр.

"Жаңа су қоймаларының құрылысы халықтың өмір сапасын жақсартып, өңірдің экономикалық дамуына елеулі үлес қосады және жергілікті шаруаларды тұрақты сумен қамтамасыз етуге тиімді ықпал етеді. Осыған дейін министрлік Қазақстан Республикасының су саласын дамытудың 2028 жылға дейінгі Кешенді жоспарын әзірледі. Аталған жұмыстар осы құжат шеңберінде жүргізіледі".Су ресурстары және ирригация министрі Нұржан Нұржігітов

Оқи отырыңыз

"Тұман, көктайғақ, жаңбыр". Еліміздің 14 өңірінде дауылды ескерту жарияланды

23:07, 17 қазан 2024

Цифрлық даму министрі Қазақстанның өз әлеуметтік желісін құруға қауқары жетпейтінін айтты

21:57, 17 қазан 2024

ҚМДБ үндеуі: Шариғат бойынша бейкүнә адамды өлтіру – барша адамды өлтіргенмен тең

20:56, 17 қазан 2024