Атырау облысындағы ауылдың кіреберіс автожолын су басып қалды

Атырау облысы Махамбет ауданы Талдыкөл ауылының кіреберіс автожолын су басты. ТЖМ құтқарушылары қайықпен өткел ұйымдастырды, деп хабарлайды Zakon.kz.

Осы уақытқа дейін 88-ден астам тұрғын тасымалданды.

Елді мекенге қосымша құтқарушылар топтары тартылды.

Еске салайық, Талдыкөл ауылынан 207 адам алдын ала Атыраудағы эвакуациялық пунктіге эвакуацияланды, тағы 422 адам өз қалауы бойынша туыстарының үйлеріне орналастырылды.

Елді мекенге қауіп жоқ.