Түркістан облысы бойынша білім басқармасының есепшілері 3 миллиард теңгеге жуық қаржыны жымқырған

Сурет: Zakon.kz

Түркістан облысының прокуратурасы білім беру ұйымдарында жүргізілген тексерулерден кейін көптеген заң бұзушылықтарды, соның ішінде бюджет қаражатын ұрлау фактілерін анықтады, деп хабарлайды Zakon.kz.

Атап айтқанда Жетісай ауданының прокурорлары аудандық білім бөлімінің бухгалтерлерімен 2,8 млрд теңге бюджет қаражатын жымқыру фактісін анықтады.

"Осы факті бойынша құжаттар СДТБТ-ға ҚР Қылмыстық кодекстің 189-бабымен тіркеліп, (сеніп тапсырылған бөтен мүлікті иемдену немесе ысырап ету) тергеу Түркістан облысы прокуратурасының арнайы прокурорларымен жүргізілуде." Түркістан облысының прокуратурасы

Бүгінгі күнге прокуратураның қабылдаған шаралары нәтижесінде мемлекет бюджетіне 309 млн теңге қайтарылды.

Тексерулер жалғасуда және жіті бақылауда.

Оқи отырыңыз