Корея Президенті Тоқаевтың шақыруын қабыл алып, жақын арада Қазақстанға келеді

Қасым-Жомарт Тоқаевтың шақыруымен Корея Республикасының Президенті Юн Сок Ёл Қазақстанға мемлекеттік сапармен келеді, деп хабарлайды Zakon.kz.

7 маусымда Ақордада хабарланғандай, сапар 2024 жылғы 11-13 маусымда болады.

Екі ел басшылары келіссөз жүргізеді және қазақ-корей бизнес-форумына қатысады деп жоспарланып отыр. Сапар аясында бірқатар екіжақты құжатқа қол қойылады.

Қасым-Жомарт Тоқаев Кореяға 2021 жылы барды. 2023 жылы Қазақстан Президенті Нью-Йоркте Юн Сок Ёлмен келіссөздер жүргізді. Бұдан кейін Тоқаев Қазақстанда 700-ден астам кореялық компаниялар мен бірлескен кәсіпорындар жұмыс істейтінін атап өтті.