Атырау облысында су тасқыны кезінде өшірілген "Сергек" камералары қайта іске қосылуда

10 маусымнан бастап жол бойындағы қауіпсіздікті қамтамасыз ету мақсатында, Жылыой ауданы аумағында "Сергек", "Аркан", "Интегра" құрылғылары толықтай іске қосылды. Бұл туралы Атырау облысының ТЖ жөніндегі жедел штабы ақпарат таратты, деп хабарлайды Zakon.kz.

Еске сала кетсек, Атырау облысындағы табиғи сипаттағы төтенше жағдай бойынша жедел штабтың шешімімен, Құлсары қаласында тасқын кезінде 4 сәуірден бастап «Сергек» бейнекамералары автоматты түрде өшірілген болатын.

"Қазіргі уақытта Жылыойда жолдағы қауіпсіздікті қамтамасыз ету үшін орнатылған бейнекамералар саны – 800", делінген хабарламада.