Дмитрий Попко Словакиядағы турнирдің ширек финалына шықты

Братиславада (Словакия) ATP Challenger санатындағы турнир өтіп жатыр. Қазақстандық теннисші Дмитрий Попко (231 ATP) жекелей сында екінші айналымдағы кездесуін өткізді, деп хабарлайды Zakon.kz.

Қазақстандық теннисші хорватиялық Матей Додигті (328 ATP) 6:1, 6:4 есебімен ұтты.

Матч 1 сағат 7 минутқа созылды. Осы уақыт ішінде Дмитрий жеті рет эйс жасап, бірде-бір қос қателік жасамады және үш брейк-пойнттың үшеуін де (100%) сәтті пайдаланды.

Попконың ширек финалдағы қарсыласы әлі анықталған жоқ.

Дмитрий Попко жұптық сында украиналық спортшы Виталий Сачкомен бірге бірінші айналымда Денис Молчанов (Украина) / Филипп Освальд (Аустрия) дуэтінен 6:7, 6:7 есебімен жеңілді.