Денис Евсеев Қытайдағы турнирдің ширек финалына өтті

Шэньчжэнь қаласында (Қытай) ATP Challenger санатындағы турнир өтіп жатыр. Қазақстандық теннисші Денис Евсеев жекелей сын бойынша екінші айналымдағы кездесуін өткізді, деп хабарлайды Zakon.kz.

Денис Евсеев (№184 ATP) аустралиялық Филип Секуличті (№262 ATP) 7:6, 6:3 есебімен жеңді.

Кездесу 1 сағат 39 минутқа созылды. Қазақстандық сегіз эйс жасап, 7 брейк-пойнттың екеуін сәтті пайдаланды.

Евсеев келесі айналымда (1/4 финал) Марк Лаялмен (№223 ATP, Эстония) ойнайды.