Қазақстанда қантты шетелге шығаруға тыйым салынды
Сурет: Zakon.kz/Павел Михеев
"Қазақстан Республикасының аумағы арқылы қанттың халықаралық транзитін, сондай-ақ қантты Еуразиялық экономикалық одаққа мүше бір мемлекеттің аумағынан өткізуді қоспағанда, Қазақстан Республикасының аумағынан қатты күйдегі қамыс немесе қызылша және химиялық таза сахарозаның қантын әкетуге, оның ішінде Еуразиялық экономикалық одаққа мүше мемлекеттерге тыйым салу 2024 жылғы 31 тамызға дейінгі мерзімде енгізілсін", - делінген құжатта.
Неліктен тыйым салынды?
Ведомство түсіндіргендей, ішкі нарықтың қажеттілігі отандық шикізаттан қант өндіру есебінен жалпы тұтыну көлемінің тек 13%–ы, қалғаны – қамыс шикізатын өңдеу және ЕАЭО елдерінен дайын қант жеткізу есебінен қамтамасыз етілді (РФ үлесі – 57%, РБ-1,5%).
136 мың тонна көлеміндегі қант пен қамыс шикізатының қолда бар қорлары 2,5-3 ай кезеңіне тұтыну үшін жеткілікті болуы мүмкін.
Сонымен қатар, 120 мың тонна мөлшеріндегі квота шеңберінде Ресей Федерациясынан қант жеткізу Беларусь Республикасынан импортты есепке алмағанда, ішкі нарықтың қажеттілігін қосымша 2,5 айға қамтамасыз етеді.
Бұйрық 2024 жылғы 14 маусымнан бастап қолданысқа енгізіледі.
