ҰҚК Кәрім Мәсімовтің рақымшылық жасау туралы өтініш бергенін растады
Сурет: gov.kz
Ресми ақпаратқа сүйенсек, рақымшылық туралы өтініш 2024 жылдың наурыз айында келген:
"Біз К.Мәсімовтің 2024 жылдың наурыз айында рақымшылық жасау туралы өтініші түскенін растаймыз".
Ұлттық қауіпсіздік комитетінің берген мәліметіне сай, мемлекетке опасыздық жасады деп сотталған Мәсімовке қатысты ҚК 218 бабының 3 тармағының 3 бөлігінде көзделген қылмыстық құқық бұзушылықтар бабы бойынша сотқа дейінгі тергеу жүріп жатқанын (Ірі мөлшерде қылмыстық жолмен алынған ақшаны және/немесе өзге де мүлікті заңдастыру/жылыстату) және ҚР ҚК 366 (Пара алу) бабының 4-бөлігі бойынша қылмыстық іс қозғалды.
Қазір ҰҚК-нің экс-басшысы Астанадағы ҰҚК-нің тергеу изоляторында отыр.
24 сәуірде сот Кәрім Мәсімовке үкім шығарды. Оның мүлкі тәркіленіп, мемлекеттік қызметте лауазымдарды атқару құқығынан өмір бойына айырумен қатар, 18 жылға сотталды. Қазақстан Республикасы Ұлттық қауіпсіздік комитетінің бұрынғы басшысы мемлекетке опасыздық жасады, билікті күшпен басып алды және билікті асыра пайдаланды деп айыпты деп танылды. 2023 жылғы 16 маусымда апелляциялық сатыдағы сот бірінші сатыдағы соттың жазаны өтейтін мекеме түріне қатысты үкімін қатаң режимдегі мекемеден қауіпсіздігі орташа мекемеге ауыстырды.
Қазақстан Республикасының Ұлттық қауіпсіздік комитеті 2022 жылғы 6 қаңтарда жаппай тәртіпсіздіктерден кейін мемлекетке опасыздық жасау фактісі бойынша сотқа дейінгі тергеуді бастады. Тергеу аясында Кәрім Мәсімов пен басқа да адамдар ұсталды.
