Қазақстанда Kaspi.kz қолдауымен ШОБ үшін тегін оқу тренингтері өткізілуде
Сурет: pixabay
Кәсіпкерлер, бухгалтерлер, консалтингтік фирмалар басшылары мемлекеттік органдар мен сарапшыларға нақты сұрақтар қойып, жан-жақты жауаптар алады.
Бизнес-кездесулерді ұйымдастырушы және негізгі спикер Екатерина Ким – белгілі салық кеңесшісі. Сарапшының Nalogialmaty Instagram-аккаунтына 1,6 миллион адам жазылған. Оқыту семинарлары Алматыда, Шымкентте, Алматы облысында және Жетісу облысында өтті. Жоспарда – бүкіл Қазақстанды қамту бар.
"Біз бәрін талдаймыз, түсіндіреміз. Әрбір жағдайға қалай әрекет ету керектігін айтамыз. Мемлекеттік органдардың өкілдерін, сондай-ақ кәсіпкерлерді шақырамыз, кәсіпкерлер өздеріне маңызды сұрақтарды қояды. Сонымен қатар, сотта немесе салықтық әкімшілендіру аясында өз құқықтарыңызды қалай қорғау керектігін айтып береміз. Жалпыға бірдей декларациялау мәселесіне қатысты айтсақ, шын мәнінде, бұл әлемдік тәжірибе. Сондықтан біз жалпыға бірдей декларациялауды енгізудің жеңіл болғанын қалаймыз. Мемлекеттік органдарға кәсіпкерлерге келіп, айтып, барлық сұрақтарға толық жауап беріп, жалпыға бірдей декларациялауға біртіндеп енуге көмектескені үшін алғыс білдіреміз. Мұның бәрі Kaspi.kz қолдауымен жасалуда. Біз бүкіл Қазақстанды аралаймыз – бұл керемет", - дейді Екатерина Ким.
Александра Томашевич - шымкенттік бухгалтерлік агенттік жетекшісі. Тренингке қатысушыны камералдық бақылау, айыппұлдардан қалай аулақ болу және тәуекелдерді азайту мәселелері қызықтырды. Тренингте бухгалтер пайдалы кеңестер алып, оларды бірден қолдана алды.
"ҚҚС – барлық кәсіпкерлер үшін, барлық бухгалтерлер үшін "ауыр" тақырып. Тренингте алынған білімді біз бірден тәжірибеде қолданып, бізге жақында келген хабарламаларға жауап бере бастадық, камералдық тексеру болды. Мұндай тренингтер өте пайдалы", - дейді бухгалтерлік қызметтер көрсету агенттігінің жетекшісі Александра Томашевич.
"Тәжірибелі бухгалтер ретінде бәрін білетін сияқтысың. Бірақ кейде өте пайдалы инсайттар болады. Егер сіз бастаушы бухгалтер немесе кәсіпкер болсаңыз, мұндай бизнес-кездесулерге баруыңыз керек. Мұндай семинарларда көптеген пайдалы тегін материалдар бар", - дейді алматылық аутсорсинг компаниясының жетекшісі Татьяна Бородихина.
Бизнес-кездесуге Алматы, Шымкент, Алматы облысы және Жетісу облысының Мемлекеттік кірістер департаментінің қызметкерлері қатысты. Мамандар ШОБ өкілдерінің барлық сұрақтарына жан-жақты жауап берді.
"Алматы қаласы Мемлекеттік кірістер департаменті Екатерина Ким ұйымдастыратын бизнес-кездесуге бірінші рет қатысып отырған жоқ. Бұл кездесу жалпыға бірдей декларациялау және камералдық бақылау мәселелерін талқылауға бағытталған. Кездесудің мақсаты – 250-нысанды ұсыну және толтыру процесін барынша түсіндіру, әрбір кәсіпкер декларацияны дұрыс және уақытында тапсыра алуы. Бұл маңызды процесс. Мұндай бизнес-кездесулер кәсіпкерлерге салық заңнамасының талаптарын жақсы түсінуге және болуы мүмкін қателіктер мен айыппұлдардан аулақ болуға мүмкіндік береді", - деп атап өтті Әуезов ауданы бойынша МКБ бастығының орынбасары Талғат Тургаев.
27 маусымда Астанада мемлекеттік органдар, сарапшылар және үш мың кәсіпкер қатысатын ең ірі салық форумы өтеді.
Қатысу тегін. Жалғыз шарты – тіркелу. Сілтемені Екатерина Ким Instagram-дағы Nalogialmaty парақшасының Stories-іне жариялайды. Орындар шектеулі.
