Астанада ҰБТ тапсыру күндері кейінге шегерілді

ҰБТ, Астана, ҰБТ тапсыру күнін шегеру, сурет - Zakon.kz жаңалық 30.06.2024 11:44

Сурет: Ұлттық тестілеу орталығы

Астанада кейбір абитуриенттер үшін алдын ала белгіленген Ұлттық бірыңғай тестілеудің уақыты кейінге ауыстырылды, деп хабарлайды Zakon.kz.

Ұлттық тестілеу орталығы 2024 жылғы 2, 3, 4 шілде күндері Астана қаласында Т.Жүргенов көшесі ,18/2 және Қайым Мұхамедханов көшесі ,37А мекенжайларында ҰБТ тапсырушыларға ескерту жасап, хабарлама таратты.

"Астана қаласында 2, 3 және 4 шілдеге жоспарланған ҰБТ өткізу күнін ауыстыру туралы хабарлаймыз. Техникалық жұмыстарға байланысты ҰБТ келесі күндерге ауыстырылады: 2 шілдеге жоспарланған тестілеу енді 8 шілдеде; 3 шілдедегісі 9 шілдеде; 4 шілдедегісі 10 шілдеде өтеді. Туындаған қолайсыздықтар үшін кешірім сұраймыз", делінген хабарламада.

Тестілеудің жаңа күні туралы ақпаратты app.testcenter.kz сайтындағы тестіленушінің жеке кабинеті арқылы кіріп, білуге болатыны да нақтыланады.

Оқи отырыңыз