Павлодарда бүлдіршінге дөрекілік танытқан тәрбиеші жұмыстан босатылды
Сурет: pixabay
Павлодарда дөрекілік танытқан тәрбиеші жұмыстан босатылды. Оқиға № 79 балабақшада болған, деп хабарлайды Zakon.kz pavlodarnews.kz-ке сілтеме жасап.
Тәрбиешінің видеода бүлдіршіндердің басынан нұқып жібергені түсірілген сәт әлеуметтік желіде тарады.
Қалалық білім беру бөлімінің мәліметінше, 2024 жылғы 1 шілдеде № 79 балабақшаның орта топ ата-аналары басшының міндетін атқарушыға бейнебақылау камераларын қарау туралы өтінішпен жүгінген.
"Бейнежазбаны қарау барысында 26-27 маусымдағы жазбаларда түстен кейін тәрбиешінің дөрекілік танытқаны тіркелді. Қолданыстағы еңбек заңнамасына сәйкес, аталған факті бойынша тәрбиеші жұмыстан шығарылды", - деп жазылған хабарламада.
Сондай-ақ бөлімде барлық материалдар білім бөлімін уақтылы хабардар етпегені үшін құқық қорғау органдарына берілетінін хабарлады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
