Тоқаев "ШЫҰ плюс" қатысушыларына: Бізге үлкен жауапкершілік жүктеліп отыр
![Бұған дейін елордадағы Тәуелсіздік сарайында ШЫҰ-ның кеңейтілген құрамдағы отырысы басталды. Оған қатысушылар бірлік, келісім және даму мәселелерін талқылайды., сурет - Zakon.kz жаңалық 04.07.2024 16:23](https://kaz.zakon.kz/pbi/WEBP/2024-07-04/file-035bd57e-ed72-4c0d-bec9-de5a3459143a/400x225.webp)
Қазақстан Президенті Қасым-Жомарт Тоқаев ШЫҰ плюс отырысына қатысушылар алдында сөз сөйледі, деп хабарлайды Zakon.kz тілшісі.
Мемлекет басшысы бүгінде әлем бұрын-соңды болмаған геосаяси қайшылықтар мен шиеленіс әлеуетінің күшеюінен туындаған күрделі сын-қатерлермен бетпе-бет келіп отырғанын атап өтті.
"Халықаралық қауіпсіздік архитектурасына қауіп төніп тұр, бұл бүкіл адамзат үшін ауыр зардаптарға әкелуі мүмкін.Осындай тағдыршешті кезеңде бізге өңірлік және жаһандық деңгейде ұжымдық күш-жігер арқылы бейбітшілікті, тұрақтылық пен қауіпсіздікті нығайту үшін орасан зор жауапкершілік жүктеледі", – деді Қасым-Жомарт Тоқаев.
Оның айтуынша, ШЫҰ өзінің беделін, елеулі экономикалық және адами ресурстарын ескере отырып, тұрақты даму мақсаттарына қол жеткізу және заманауи сын-қатерлерді еңсеру үшін тиімді шешімдер әзірлеуге қабілетті.
Бұған дейін елордадағы Тәуелсіздік сарайында ШЫҰ-ның кеңейтілген құрамдағы отырысы басталды. Оған қатысушылар бірлік, келісім және даму мәселелерін талқылайды.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript