Жаңа оқу жылында қанша қазақстандық бала бірінші сыныпқа барады

Сурет: Telegram/oqu_agartu

Қазақстанның білім министрлігі бүгін, 2024 жылғы 5 шілдеде азаматтардың балаларды бірінші сыныпқа қабылдау үшін берген өтінімдері туралы ақпарат берді, деп хабарлайды Zakon.kz.

Ведомство бірінші сыныпқа өтінімдер қабылдау 2024 жылғы 31 тамызға дейін жалғасатынын еске салды.

"Бүгінге дейін 275177 өтінім келіп түсті. Бірінші сыныпқа оқушыларды қабылдау бойынша Ақмола, Алматы, Жетісу, Павлодар облыстары 100 пайыз көрсеткішке қол жеткізген. Алдын ала болжам бойынша, 2024 жылдың 31-желтоқсанына дейін 6 жасқа толатын балалар саны 370 мыңнан асады, осылайша олардың бірінші сыныпқа баруға толық мүмкіндігі бар".ҚР Оқу-ағарту министрлігінің баспасөз қызметі

Азаматтарға қолайлы болу үшін қызмет көрсету толығымен автоматтандырылды. Ата-аналар мен балалардың заңды өкілдері өз өтінімдерін еgov.kz электронды порталында, сондай-ақ жергілікті атқарушы органдардың ақпараттық жүйелері арқылы тапсыра алады.

"Бірінші сыныпқа балалар 6 жастан бастап ата-анасының немесе баланың заңды өкілінің өтініші негізінде қабылданады. Өтінімдер демалыс пен мереке күндерінен басқа, дүйсенбіден жұмаға дейін қабылданады",- деп толықтырды министрлік.

Естеріңізге сала кетейік, Қазақстанда бірінші сыныпқа өтінімдерді қабылдау 2024 жылдың 1 сәуірінде басталды.

Оқи отырыңыз