"Қазавтожол" автокөлік иелеріне жаңбырлы ауа райындағы жол ережелерін еске салды

"ҚазАвтоЖол" ауа райының бұзылуына және дауылды ескертудің жариялануына байланысты жолда қауіпсіздікті сақтау туралы қатаң еске салады. Олардың ішінде:

1. Жылдамдықты азайтыңыз: Жазғы дауыл кезінде қатты жаңбыр мен жел болуы мүмкін. Оның салдарынан жол көрінбей, ілінісу нашарлайды. Жылдамдықты азайтып және қауіпсіз арақашықтықты сақтаңыз.
2. Кенеттен маневр жасамаңыз: Дымқыл жолда көлікті кенет бұру және тежегішті басу оның сырғанауына әкелуі мүмкін. Көлікті еркін жүргізіңіз.
3. Жарықты жағып айдаңыз: Жол нашар көрінетін кезде жақын жарық пен тұманға қарсы жарықты қосып айдаңыз. Себебі басқа жол пайдаланушыларға сіздің көлігіңіз көрінуі керек.
4. Терезе тазалағышты тексеріңіз: Терезе тазалағыштың істеп тұрғанын тексеріп, терезе жуғыш сұйықтықты толтырып алыңыз. Жауын кезінде сізге жол жақсы көрінетін болады.
5. Жолдағы сынықтарға дайын болыңыз: Қатты жел ағашты құлатып, оның сынықтары жолда шашылып жатуы мүмкін. Сондықтан мұқият болып, кедергілерден аулақ болыңыз.
6. Су басқан учаскелерді байқаңыз: Ешқашан терең су арқылы өтпеңіз. Судан шұңқырлар көрінбей, сіздің көлігіңізге зақым келуі мүмкін.
7. Ауа райыны бақылап жүріңіз: Ауа райыны жиі бақылап және жолдың жағдайы туралы хабарламаларды қарап отырыңыз. Өзекті ескертулер мен ұсыныстар бойынша хабардар болыңыз.
8. Қауіпсіз жерде тоқтаңыз: Дауыл күшейетін болса, онда ағаштар мен электр желісінен қауіпсіз жерде тоқтап, ауа райының жақсарғанын күтіңіз.

Синоптиктер 9 шілдеде еліміздің 17 өңірінде қолайсыз ауа райына байланысты ескерту жасады.

Оқи отырыңыз

Мерзімді әскери қызметтегі сарбаздар банктер мен шағын қаржылық ұйымдарға 7 млрд теңге қарыз

19:51, 20 қыркүйек 2024