Ауа райының бұзылуына байланысты бірнеше республикалық жол жабылды

Сурет: unsplash

"ҚазАвтоЖол" ұлттық компаниясы ауа райының бұзылуына байланысты бірнеше республикалық автожолдың жабылғанын мәлімдеді, деп хабарлайды Zakon.kz.

Ауа райының бұзылуына байланысты келесі республикалық автожолдарда көлік қозғалысына шектеу қою жоспарланып отыр:

Жамбыл облысы:

2024 жылғы 13 қарашада сағат 17:00-де республикалық маңызы бар "Алматы-Ташкент-Термез" автожолының 535-593-шақырым аралығында (Айша бибі ауылынан Түркістан облысының шекарасына дейін) жүк көліктерінің қозғалысына.

Түркістан облысы:

2024 жылғы 13 қарашада сағат 17:00-де республикалық маңызы бар "Алматы-Ташкент-Термез" автожолының 593-620-шақырым аралығында (Жамбыл облысының шекарасынан Тұрар Рысқұлов ауылына дейін) жүк көліктерінің қозғалысына.

Жолды 2024 жылғы 13 қараша сағат 23:00-де ашу жоспарланған.