Алматының Әуезов ауданында ағымдағы жылы 18 көше жөнделеді
![Әуезов ауданының тұрғындарымен кездесу барысында Алматы әкімі Ерболат Досаев жол-көлік инфрақұрылымын дамыту жұмыстары туралы айтып берді., сурет - Zakon.kz жаңалық 18.07.2024 11:46](https://kaz.zakon.kz/pbi/WEBP/2024-07-18/file-4ecfb9a1-231c-4951-b26a-03a768e181c9/400x225.webp)
Әуезов ауданының тұрғындарымен кездесу барысында Алматы әкімі Ерболат Досаев жол-көлік инфрақұрылымын дамыту жұмыстары туралы айтып берді.
"Егер өткен жылы ауданның ұзындығы 11,4 км болатын 12 көшесіне орташа жөндеу жүргізілсе, биылғы жылы ұзындығы 13,3 км болатын 18 көшеге орташа жөндеу жұмыстары жүргізіліп, Жандосов, Өтеген батыр, Серегин, Ақжайнақ, Пятницкий, Трудовая көшелерінде жұмыстар басталды. Ағымдағы жөндеу аясында аудан әкімдігі бүгінгі таңда 30 мың шаршы метр жол төсемі мен тротуарларды қалпына келтірді, жыл соңына дейін тағы 17 мың шаршы метр қамтылады", - деп хабарлады мегаполис басшысы.
Сондай-ақ, ағымдағы жылдың қазан айында 5 жер үсті жаяу жүргіншілер өткеліне күрделі жөндеу жұмыстары аяқталады.
Жол-көлік инфрақұрылымын дамыту шеңберінде қоғамдық көлік жұмысының сапасын арттыру мақсатында 2024 жылы автобустар санын 343-тен 416 бірлікке дейін ұлғайта отырып, 21 маршрутта жылжымалы құрам жаңартылды.
Жалпы, Әуезов ауданына 85 маршрут қызмет көрсетеді, автобустардың желіге жоспарлы шығуы 1439 бірлікті құрайды, орташа аралығы 8-9 минут.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript