Майқайың кенішінде табылған адамның кім екені белгілі болды

Асайын Байханов, сурет - Zakon.kz жаңалық 19.07.2024 20:16

Сурет: t.me/AsaiynBaikhan

Павлодар облысының әкімі Асайын Байханов марқұмның туыстарына көңіл айтты, деп хабарлайды Zakon.kz.

Өңір басшысы өзінің Telegram-парақшасында бүгін "Майқайың-алтын" АҚ тау-кен ауданындағы опырылған жерде тұрақты негізде аздаған үзілістермен іздестіру жұмыстары жүргізілгенін жазды. Соның нәтижесінде екі құтқарушының бірінің денесі табылды. Павлодар облысының ТЖД күшімен құтқарушының мүрдесі жер бетіне көтеріліп, жедел-тергеу тобына берілді, деп жазды pavlodarnews.kz-ке сілтеме жасап.

Табылған жетон мен киімінен құтқарушылар взводы командирінің 36 жастағы орынбасары Айдос Шаймерденнің денесі табылғаны анықталды.

Облыс әкімі Айдостың ата-анасына, оның жұбайы Нұрсұлуға, сондай-ақ, туыстары мен жақындарына көңіл айтты.

"Өздеріңіз білетіндей, орын алған апаттың бірінші күні екі құтқарушының – Сарқыт Берліқан мен Олег Тышкевичтің денелері табылған болатын. Енді туыстары Айдос Шаймерденді де жер қойнына тапсырып, дұға жасай алады. Марқұмға иман байлығын берсін". Асайын Байханов

55 жастағы жүргізуші Айып Тілеубергеновтің денесі әлі табылған жоқ. Іздестіру жұмыстары жалғасып жатыр.

Оқи отырыңыз