Алматыдан Атырауға бара жатқан жүк көлігі жолда топыраққа батып кетті

Төтенше жағдайлар министрлігінің қызметкерлері Әзербайжан азаматына көмектесті, деп хабарлайды Zakon.kz.

20 шілдеде Алматыдан Атырауға бара жатқан жүк көлігі жолда топыраққа батып кетті. 

Қызылорда облысының құтқарушылары таңертеңнен кешке дейін көлікті үзіліссіз қазып, тұрып қалған жерінен алып шықты.

Сурет: Төтенше жағдайлар министрлігінің баспасөз қызметі

Жүргізуші - Әзірбайжан Республикасының азаматы Аббасов Матлаб құтқарушыларға алғыс айтты.