Ақтөбе облысында есірткіге мас күйде көлік тізгіндеген автобус жүргізушісі анықталды
![Заң бұзған адам жауапқа тартылды, сурет - Zakon.kz жаңалық 24.07.2024 15:43](https://kaz.zakon.kz/pbi/WEBP/2024-07-24/file-c44db45b-ded9-4e71-80de-71ab0f9a8a74/400x225.webp)
23 шілдеде басталған "Автобус" жедел-профилактикалық іс-шарасы барысында Қарғалы ауданында полиция қызметкерлері есірткіге масаң күйде көлік құралын басқарған ПАЗ автобус жүргізушісін анықтады.
Жүргізуші ЖШС жұмысшыларын тасымалдауды жүзеге асырған. Сот жүргізушіні 15 тәулікке әкімшілік қамауға алып, 7 жылға көлік құралын басқару құқығынан айырды.
Сонымен қатар "Автобус" жедел алдын алу іс-шарасының бірінші күні қоғамдық көлік жүргізушілері тарапынан 70 әкімшілік құқық бұзушылық анықталды, бұл негізінен жолаушылар мен багажды тасымалдау ережелерін бұзу, техникалық байқаудың болмауы.
Естеріңізге сала кетейік, облыста "Автобус" жедел-профилактикалық іс-шарасы 2024 жылдың 28 шілдесіне дейін жалғасады.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript