Қызылордада 150 отбасы баспаналы болды
Сурет: Қызылорда облысы әкімінің баспасөз қызметі
Салтанатты шарада сөз алған вице-премьер, пәтер кілтін алғандарды құттықтап, азаматтарға жайлы жағдай жасау мәселесі Мемлекет басшысының тұрақты назарында екенін жеткізді.
Сурет: Қызылорда облысы әкімінің баспасөз қызметі
"Халықтың әл-ауқатын арттыру, жайлы өмір сүруіне жағдай жасау – мемлекетіміздің ең басты стратегиялық міндеті. Бүгінде елімізде тұрғын үй мәселесін шешудің сатып алу, банктердің ипотека бағдарламалары, мемлекеттік бағдарлама бойынша баспана алу секілді әр түрлі жолдары қалыптасты. Жыл басынан бері еліміз бойынша 7,5 млн-ға жуық шаршы метр тұрғын үй пайдалануға берілді. Жыл соңына дейін көрсеткішті 18 млн-ға жеткізу көзделген. Бұл – мыңдаған отбасының баспана мәселесін шешуге мүмкіндік береді", - деп атап өтті Тамара Дүйсенова.
Аймақ басшы Нұрлыбек Нәлібаев баспаналы болған азаматтарға игі тілегін білдіріп, жұрт қуанышына ортақтасты.
Сурет: Қызылорда облысы әкімінің баспасөз қызметі
"Құрылыс барысы әкімдіктің жіті бақылауында болды. Мердігерлер жұмысты сапалы атқарды деп санаймын. Ең бастысы, баспанаға мұқтаж жандардың бірқатары пәтірлі болып отыр. Аймақ әкімдігі бұл бағыттағы жұмысты ары қарай да жалғастыратын болады", - деді Нұрлыбек Нәлібаев.
Сурет: Қызылорда облысы әкімінің баспасөз қызметі
Пәтер алғандар арасында Гүлсезім Убайділдә бар. Жолдасымен жетімдер санатында кезекте тұрған. Бұған дейін жалдамалы пәтерлерде тұрып келген. Енді екі баланың анасы екі бөлмелі пәтердің иесі атанып отыр.
"Өз баспанаң болғанға не жетсін. Бүгінге дейін туыстардың үйінде де тұрдық, пәтер де жалдадық. Енді міне, өзіміздің баспанамыз бар. Өте қуаныштымыз. Қолдау білдірген азаматтарға алғыс айтамын", - деді ол.
Сурет: Қызылорда облысы әкімінің баспасөз қызметі
Айта кетейік, баспаналардың құрылысына республикалық бюджеттен 8,5 млрд теңге бөлінген болатын. Бұл қаржыға 5 қабатты үйлер бой көтерді.
