"Қазселденқорғау" мекемесінің бұрынғы басшысы Кәрім Көкірекбаевты ақтау үкімінің күші жойылды
Сурет: kabar.kg
Бір күн бұрын, 2024 жылдың 25 шілдесінде Алматы облыстық соты Қазақстан Республикасы Төтенше жағдайлар министрлігі "Қазселденқорғау" мемлекеттік мекемесінің бұрынғы басшысы Кәрім Көкірекбаевқа қатысты ақтау үкімінің күшін жойды. Ол сот залында қамауға алынды, деп хабарлайды Zakon.kz.
Антикор түсіндіргендей, қылмыстық іс бірінші сатыдағы сотқа жаңадан қарауға жіберілді, ал Кәрім Көкірекбаев сот залында қамауға алынды.
"7 маусымда Алматы облысының қылмыстық істер жөніндегі мамандандырылған ауданаралық соты алқабилердің қатысуымен Қ.Көкрекбаевқа Қорғас өзені бойындағы "Өзен құру және қорғау" жобалары және "Ақсай өзенінің жағалауын қорғау құрылыстары мен бөгеттерін салу" жобалары бойынша атқарылған жұмыстар туралы актілерге қол қою үшін 798 мың доллар және 23 миллион теңге көлемінде пара алу фактілері бойынша ақтау үкімін шығарды. Сол сот үкімімен оның орынбасары Ахатаев А. және "Базис Констракшн" ЖШС филиалының директоры А.Поплавский пара алған және бергені үшін әрқайсысы 11 жылға бас бостандығынан айырылды", - деп еске салды ҚР Сыбайлас жемқорлыққа қарсы іс-қимыл агенттігі.
"Қазселденқорғау" мемлекеттік мекемесінің бұрынғы басшысы Кәрім Көкірекбаевтың аса ірі көлемде пара алды деген күдікпен ұсталғаны 2022 жылдың 27 желтоқсанында белгілі болды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
