Алматыда "Жалпыға бірдей білім беру" қорынан 15 мыңнан астам оқушы төлем алады
Сурет: Алматы қаласы әкімдігінің баспасөз қызметі
Алматыда "Мектепке жол" республикалық акциясы басталды. Қаланың білім басқармасының ақпараты бойынша акция 30 қыркүйекке дейін жалғасады, осы уақыт ішінде "Жалпыға бірдей білім беру" қорының, демеушілер мен меценаттардың бюджет қаражаты есебінен мұқтаж оқушыларға көмек көрсетіледі.
Акцияның мақсаты – аз қамтылған отбасылардан шыққан оқушыларға, жетім балаларға, сондай-ақ ата-анасының қамқорлығынсыз қалған балаларға оқу жылының басына дайындық кезінде материалдық қолдау көрсету және әлеуметтік себеппен балалардың мектепке келмеуінің алдын алу.
Халықтың әлеуметтік осал тобынан 15 мыңнан астам бала 55 мың теңге көлемінде көмек алады. Қаражат жергілікті бюджеттен қаржыландырылатын "Жалпыға бірдей білім беру" қорынан бөлінеді, ақша мектеп формасы мен кеңсе жабдықтарын сатып алуға бағытталады.
Кімдердің көмек алуға құқығы бар:
- мемлекеттік атаулы әлеуметтік көмек (АӘК) алуға құқығы бар отбасылардан шыққан балалар
- жан басына шаққандағы орташа табысы ең төменгі күнкөріс деңгейінен төмен мемлекеттік АӘК алмайтын отбасылардан шыққан балалар,
- жетім балалар және ата-анасының қамқорлығынсыз қалған балалар,
- төтенше жағдайлар салдарынан шұғыл көмекке мұқтаж отбасылардан шыққан балалар,
- білім беру ұйымының алқалы органы айқындайтын оқушылар мен тәрбиеленушілердің өзге де санаттары.
Көмек алу үшін жоғарыда аталған бес санаттың бірін басшылыққа алып, баланың оқу орны бойынша мектепке өтініш жазу қажет.
Баланың ата-анасы немесе заңды өкілі egov.kz электрондық үкімет порталы арқылы немесе халықты жұмыспен қамту орталығына өтініш береді. Өзге жағдайда – білім беру ұйымына растайтын құжаттарды ұсыну қажет.
Жоғарыда аталған санаттарға жатпайтын оқушылар "Мектепке жол" республикалық акциясы аясында демеушілер мен меценаттар есебінен көмек ала алады. Демеушілер, меценаттар және балаларға көмек көрсеткісі келетін қаланың барлық қамқор тұрғындары аудандық білім бөлімдеріне жүгіне алады.
Акция туралы қосымша ақпаратты мына жедел желі телефондары арқылы білуге болады:
- Алатау ауданы: 8 708 970 50 42,
- Алмалы ауданы: 8 707 544 20 89,
- Әуезов ауданы: 8 702 327 36 69,
- Бостандық ауданы: 8 777 280 66 50,
- Жетісу ауданы: 8 708 935 94 98,
- Медеу ауданы: 8 775 919 40 00,
- Наурызбай ауданы: 8 775 401 45 46,
- Түрксіб ауданы: 8 701 615 49 78.
