Шымкенттегі супермаркеттердің бірінде спирттік ішімдік салынған қораптар өртенді

Бүгін, 4 тамызда Шымкенттің әл-Фараби ауданында супермаркеттердің бірінде өрт шықты, деп хабарлайды Zakon.kz.

Белгілі болғандай, ғимараттың жертөлесінде 8 шаршы метр аумақта спирттік ішімдіктері бар картон қораптар жанған.

Төтенше жағдайлар департаментінің қызметкерлері өртті толығымен сөндірді.

Зардап шеккендер жоқ. Себебі анықталып жатыр.