Алматыда әл-Фараби даңғылының бір бөлігінде екі күнге көлік қозғалысы шектеледі

Алматының Медеу ауданында жылу желілерін жөндеу үшін әл-Фараби даңғылының бір бөлігінде көлік қозғалысы ішінара шектеледі, деп хабарлайды Zakon.kz.

"6 тамыз сағат 08:00-ден 7 тамыз сағат 21:00-ге дейін Медеу ауданы әл-Фараби даңғылының Меңдіқұлов көшесінен Достық даңғылына дейінгі бөлігінде жылу желілерін жөндеу үшін көлік қозғалысы шығыс бағытта ішінара шектеледі". Алматы әкімдігі

Көлік қозғалысы батыс бағытта ашық болады. 

Сурет: Алматы әкімдігінің баспасөз қызметі

Уақытша шектеулер аталған көше бөлігінің көлік жүретін жол бөлігінің астынан өтетін жылу құбырын алдағы жылыту маусымына дайындық жұмыстарының қауіпсіздігін қамтамасыз ету үшін енгізіліп отыр.