24 жылға сотталған қазақстандық түрмедегілерді теракт жасауға шақырды
Сурет: Қазақстан Республикасының Ұлттық ұланы
Жамбыл облысындағы түрмеде радикалды идеологияны насихаттап, лаңкестік әрекетке шақырған сотталушы анықталды, деп хабарлайды Zakon.kz.
Қазақстан Республикасы Ұлттық ұланының баспасөз қызметі 2024 жылғы 8 тамызда хабарлағандай, Ұлттық қауіпсіздік комитетінің Жамбыл облысы бойынша департаментінің қызметкерлері Ұлттық ұланның "Бүркіт" арнайы жасақ бөлімшелерімен бірлесіп, жазасын өтеушілер арасында терроризмді насихаттап жүрген 34 жастағы сотталушыны анықтады.
"Ол радикалды идеологияны таратып қана қоймай, терроризм актісін жасауға шақырды, ұсталған Атырау облысының тумасы, 2013 жылдан бері адам өлтіру, заңсыз қару сақтау және тонау қылмыстары үшін 24 жылға сотталған", — делінген хабарламада.
Аталған факті бойынша қылмыстық іс қозғалды.
Сондай-ақ бүгін, 8 тамызда Қазақстан Республикасы Ұлттық қауіпсіздік комитеті Астана, Алматы және Батыс Қазақстан облыстарында діни радикалдардың ұсталғаны туралы хабарлады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
