ҚМА Михаил Бойкоға салық төлеуден жалтарған және ақшаны жылыстатқаны үшін іздеу жариялады
Сурет: ҚР ҚМА баспасөз қызметі
ҚМА Алматы қ. бойынша департаменті ҚР азаматы Бойко Михаил Адамовичты (1963 жылғы 25 маусым туған) іздестіруде.
Ол ҚР Қылмыстық кодексінің 245-бабы 3-бөлігі (салық төлеуден жалтару) және 218-бабы 3-бөлігі (қылмыстық жолмен алынған ақша мен мүлікті заңдастыру) бойынша қылмыс жасады деп күдіктелуде.
Бойко М.А. балық өнімдерін экспорттайтын кәсіпорындардан корпоративтік табыс салығын төлемей, мемлекетке 400 миллионнан астам теңге залал келтірген.
Сонымен қатар былай жазылған:
Егер сіз іздестіріліп жатқан азаматтың қайда екені туралы қандай да бір ақпаратқа ие болсаңыз, бізге хабарлауыңызды сұраймыз.
- +7-701-218-05-23,
- +7-701-121-47-65 — азаматтарды іздестіру бойынша,
- +7-7272 — 79-29-56 — кезекші бөлім.
Сыйақы мен анонимділікке кепілдік береміз.
2024 жылдың 6 тамызында ҚМА Ақтөбе облысында шикі мұнайды заңсыз өндірген "Сайгак Казахстан Б.В." компаниясы филиалының бас директорының орынбасарына қатысты үкім шығарылғанын хабарлады.
